Stralejakkers is bevoorreg om nou ook ons Kleuterskool maats as Rakkers aan boord van die Impie-vlug te hê. Hulle bring 'n nuwe opwinding tot die vlugspan met hulle skaterlaggies en duisende vragies. Hierdie maats se vlerke word nie net voorberei vir 'n vlug wat die winde kan teenstaan nie maar hulle word ook geleer hoe om die winde tot hulle voordeel te gebruik. Hulle word ontdekkingsreisigers wat die wêreld vanuit 'n veilige klaskamer te leer ken. Hierdie vaardighede en kennis dien as 'n stewige basis waarvandaan die Kleuterskool-Juffies saam met hulle weer op reis na nog hoër hoogtes vlieg. U geleentheid op 'n fantastiese langtermyn belegging begin reeds hier by ons Kleuterskooltjie.
Laerskool Impala is ‘n bevoorregte skool wat kan spog met ‘n voedings-fasilitiet soos ons Kleuterskool. Dit is ‘n kleurvolle sentrum waar Rakkertjies van kleins af geleer word deur te speel en waar hulle in ‘n uiterse veilige leeromgewing die fynere kunsies van opvoeding aanleer.
Laerskool Impala is ‘n bevoorregte skool wat kan spog met ‘n voedings-fasilitiet soos ons Kleuterskool. Dit is ‘n kleurvolle sentrum waar Rakkertjies van kleins af geleer word deur te speel en waar hulle in ‘n uiterse veilige leeromgewing die fynere kunsies van opvoeding aanleer.
Impala Kultuur Kleuterskool is ‘n spog-sentrum met gekwalifiseerde onderwyseresse wat hulle liefde vir kinders uitleef, deur hul Vroeë Kinder Ontwikkelingsvaardighede toe te pas om elke leerling te ontwikkel op sy eie unieke manier. Daar word in elke klassie onderrig gegee in Afrikaans en leef die kindertjies en onderwyseresse ook hul Christelike etos uit op alle terreine.
Ons leerders is gelukkige peuters wat liefdevol, vinnig en vlytig groei in hul leeromgewing. Die ontwikkeling van groot motoriese en klein motoriese vaardighede geniet deurlopende aandag en stimulering in die klaskamer sowel as op die pragtige speelterreine.
Om deel te wees van hierdie gesin, is om jou kind ‘n voorsprong in die lewe te gee. Dit is hier waar elke kindjie sy/haar eie karakter bou en ontwikkel.
Hier is die kans om u kindjie ‘n groot voorsprong in die lewe te gee en om seker te maak dat hulle deel kan wees van die Impie-gesin en ons Spogskool.
Mnr. Willem Jacobs
Hoof
By Kleuterskool het ons 'n voldag program wat vanaf 06:30 in die oggend tot 17:30 in die middag.
TYD AKTIWITEIT
06:30 - 08:00
08:00 - 08:15
08:15 - 08:30
08:30 - 09:15
09:15 - 09:30
09:30 - 10:00
10:00 - 11:00
11:00 - 11:45
11:45 - 12:00
12:00 - 12:20
12:20 - 13:45
13:45 - 14:00
14:00
14:30
17:30
TYD AKTIWITEIT
Aankoms en buitespel
Ons groet mekaar:
Weerkaart word bespreek
Register
Verjaarsdae en Nuus
Bybelverhaal
Toiletroetine
Temabespreking / Musiek / Fyn- en grootmotories
Toiletroetine
Etenstyd
Buitespel
Kunsaktiwiteit
Toiletroetine / storietyd
Etenstyd
Slaaptyd
Opstaantyd
Na-skool buitespel
Peuselhappie & koeldrank
Naskool sluit
Aktiwiteite wissel van vrystel tot motoriese en brein ontwikkeling. Hier word jou kind gestimuleer op 'n gebalanseerde wyse.
Soos in enige skool om te verseker daar is orde en dissipline, moet daar gehoor gegee word aan die volgende.
Hare:
Dogters: Lang hare moet netjies vasgemaak word met rekkies. Hou maar hul kuifies kort sodat hare nie onnodig in die ogies hang nie.
Seuns: Hare moet kort en netjies wees.
Algemeen:
Juwele: Beperk tot die minimum, aangesien leerdertjies lekker daarmee speel en vroetel en aandag sodoende vinnig afgelei word.
Naels: Naels moet kort en skoon wees.
Speelgoed: Geen speelgoed word skooltoe gebring nie, aangesien ons nie verantwoordelikheid daarvoor kan aanvaar nie.
Laatkommery en afwesighede:
Ouers, u kindjie is wel nog net in die Kleuterskool, maar dit sal waardeer word as u reeds van nou af gesonde gewoontes kweek by u kleuter tov laatkom en afwesigheid.
Gereëlde skoolbywoning is uiters belangrik vir u kind se vordering. Let wel dat ons reeds om 06:30 vm oop is in die oggend. Let asseblief daarop dat ‘n boete van R50 kontant betaalbaar is vir elke 15 min of ‘n gedeelte daarvan wat u laat is om u kindjie in die middag op te laai.
Vorderingsverlae:
Die kleuters ontvang 4 keer per jaar ‘n vorderingsverslag – aan die einde van elke kwartaal.
Kosblikkie tyd:
Ons vra vriendelik dat elke ouer ‘n kosblikkie met gesonde kossies sal inpak skool toe. Elke maatjie moet asb. by die huis reeds ontbyt eet.
Snoepwinkel:
Op Maandae, Woensdae en Vrydae kan maats geld saambring vir snoepie. Die aankoop van verversings maak die dae nie net spesiaal vir die leerders nie, maar leer hulle ook om met geld te werk.
Daar is ‘n verskeidenheid van goedkoop lekkertjies, koeldranke, skyfies en speelgoedjies te koop. Pryse wissel vanaf R1,00 tot R5,00 en sal aangepas word namate prysverhogings.
Alle kinders is daarom spesiaal en uniek en daarom laat ons elkeen toe om op hulle eie tempo te ontwikkel en te groei
08:00 tot 13:00
(reeds vanaf 06:30 is personeel hier om u kind te ontvang)
Die Kleuterskool se naskoolsentrum funksioneer heeltemal apart en op ons eie gronde. Ons maats bly by die sentrum waar hulle veilig in hul omgewing na omgesien sal word.
Die naskool sal deur die vakansie ook beskikbaar wees. Daar sal elke vakansie ‘n vakansieskool wees & gratis toesig wees vir voldagmaatjies. Geen formele klas word gegee nie.
13:00 Middagete
15:00 Versnappering en Koeldrank
17:30 Naskool sluit (somer & winter)
Ons vra vriendelik dat ouers ons naskoolmaats stiptelik sal kom afhaal. Elke kindjie wat afgehaal word vanaf 13:00, word uitgeteken deur sy/haar ouer of gemagtigde persoon om u kind se veiligheid te verseker. Geen kind sal toegelaat word om te gaan indien hy/sy nie uitgeteken is nie. Geen boetie, sussie of ander minderjarige kind mag ‘n kindjie uitteken nie!
Dit is vir ons baie belangrik dat die onderrigtyd optimaal benut word. Ons kan u verseker dat alle aspekte van u kind se ontwikkeling in ons kurrikulum sorgvuldig ingebou is, om u kind gereed te maak vir hul volgende lewensjaar.
Skoolgelde word jaarliks deur die Beheerliggaam vasgestel en aan die ouers voorgelê tydens die jaarliks...
Finansiële Verpligtinge
Skoolgelde word jaarliks deur die Beheerliggaam vasgestel en aan die ouers voorgelê tydens die jaarlikse begrotingsvergadering. Die Kleuterskool tariewe is oor 11 maande vooruit betaalbaar voor die 7de van elke maand.
Rekening Naam - Laerskool Impala
Bank - ABSA
Tipe Rekening - Tjek
Rekening Nr - 4100238987
Takkode - 632005
Verwysing - Voorletters + Van + Ouderdom
KENNISGEWING VIR SKOOLVERLATING IS ‘N VOLLE KALENDERMAAND SE GESKREWE KENNIS. BETALING VAN SKOOLGELDE VIR KENNISMAAND IS STEEDS VERPLIGTEND.
Maak ‘n langtermyn verskil in u kind se lewe by ‘n Christelik Afrikaanse skool wat werklik omgee vir u kind!
Die personeel by ons Kleuterskool is uitstekend en sal verseker dat daar na elke kind se belange omgesien word.
Vir enige verdere navrae of addisionele inligting, kan u ons gerus kontak. Moet asseblief nie huiwer indien u 'n vraag het nie.
Kantoor: 011 975 4278
e-pos: This email address is being protected from spambots. You need JavaScript enabled to view it.