Laerskool Impala

Trotse Geskiedenis

Laerskool Impala open sy deure op 27 Julie 1965 met ‘n totaal van 285 leerlinge. Op daardie stadium was dit die derde Afrikaanse laerskool in Kemptonpark. Laerskool Impala is op 3 November 1966 amptelik in gebruik geneem met ‘n leerlingtal van 265 leerlinge en 10 onderwysers. Mnr. C.E. Visser was die eerste waarnemende hoof. Daar was egter geen tuine of velde nie en daarom is daar dadelik begin met fondsinsamelingsprojekte soos byvoorbeeld verkopings, konserte, volksspele-vertonings en ‘n reuse stoeitoernooi. Tydens die eerste tien jaar van die skool se bestaan is R35 000 uit die skoolfonds aangewend om die skoolterrein te ontwikkel.Terrasse is uitgelê, gras is rondom die skool aangeplant, motorhuise is opgerig, ‘n snoepwinkel is aangebou, ens. In Mei 1974 dreun die eerste grondverskuiwingsmasjinerie. Binne vier maande was die werk afgehandel. Gras word aangeplant en twee weervas korfbalbane word in ontvangs geneem. Gedurende Maart 1975 word twee tennisbane voltooi. Hierdie ontwikkelings is moontlik gemaak gevolg van die wonderlike samewerking wat daar tussen die ouers, personeel en kinders bestaan het.

 

Mnr. G.S. Hauptfleisch is gedurende Januarie 1966 aangestel as hoof van Laerskool Impala. Mnr. J.M.N. Kruger neem die leisels by hom oor in September 1968 as waarnemende hoof en word op 1 Januarie 1971 as hoof aangestel.  Gedurende 1983 word mnr. C.J. De Beer as hoof aangestel. Mnr. J. Bouwer neem in 1989 die leisels by Mnr. De Beer oor as hoof en tree aan die einde van 2006 af as hoof. Mnr. T. Gouws is gedurende 1 Januarie 2007 die hoof van Laerskool Impala tot en met 25 April 2018. Mnr Willem Jacobs neem die leisels by hom oor en kom blaas nuwe asem in Laerskool Impala waar hy as hoof op 1 November 2018 aangestel is. Die huidige skoollied is deur Mnr. Hennie Smit, akteur van egoli, geskryf en gekomponeer. Laerskool Impala se naam is afgelei van die eerste straalvliegtuig wat in Suid-Afrika vervaardig is naamlik die Impala vegvliegtuig.

 

Mnr. G.S. Hauptfleisch het die  skoolwapen ontwerp en dit is afgerond deur mnr. De Ridder van Mentor.

 

Die leuse “Vinnig en Vlytig” is d.m.v ‘n kompetisie deur die leerlinge voorgestel.

 

Laerskool Impala huisves tans 1616 leerders. Die Gr. 1- 7 Leerders sluit 1240 van hierdie getal leerders in. Laerskool Impala spog vanaf 2008 met ‘n nuutgeboude kleuterskool (Gr-R Stralejakkers). Ons is bevoorreg om tans 376 leerders by die babaklas tot die Gr. R-Sentrum te akkomodeer. Die onderwyspersoneel het intussen tot  69 gegroei, 11 Administratiewe dames, 9 Studente, 1 Gr. R. Assistent1 tereinbestuurder, 10 Terrein Assistente, 1 Leerder Toilet Assistent, 1 Kombuis Assistente en 4 Naskool personeel.

Ons Prefekte Vandag

Ons leiers vir die toekoms

Gefokus op die toekoms

Deur Respek en Tradisie

1. VISIE

Die beste Laerskool in Kempton Park en Gauteng.

 

2. MISSIE

Die daarstelling van ‘n Christelike, primêre, opvoedkundige sentrum van uitnemendheid, waar leerders in hul moedertaal voorberei word vir die veranderende wêreld, deur die maksimale benutting van alle beskikbare bronne.

 

Ter uitbouing van bostaande missie, verbind alle belanghebbendes hulself tot die volgende waardes en riglyne:

  1. Puik onderrig op Christelike grondslag.
  2. ‘n Afrikaans kultuur-eie opvoeding.
  3. ‘n Vennootskap tussen alle belanghebbendes, gebaseer op ‘n onderlinge vertrouensverhouding.
  4. Gedifferensieerde ontwikkeling van die kind in totaliteit, ter verwesenliking van sy volle potensiaal.
  5. ‘n Gesonde balans tussen akademie, sport en kultuur.
  6. Professionele uitnemendheid.
  7. Gelykberegting tussen alle belanghebbende groepe.
  8. Koste effektiewe onderwys en opvoeding.

Dit is ‘n jaarlikse instelling by Laerskool Impala om die nuwe skooljaar te begin met ‘n kerkdiens. So word verseker dat die jaar reg begin word en leerders gemotiveer word vir die jaar wat voorlê. Hierdie kerkdiens vind gewoonlik plaas op die eerste Vrydag nadat die nuwe skooljaar in Januarie begin het.

 

Jaarliks aan die einde van die tweede kwartaal word daar vir die Milo-beker gespeel. Op hierdie dag is daar netbalwedstryde waar die mans- en damespersoneel teen mekaar speel. Die damespersoneel speel dan ook teen die 1ste netbalspan. Daar word ook rugbywedstryde tussen die O/13 en O/12 rugbyseuns gespeel. Hierdie dag is hope pret.

 

In 2019 het Laerskool Impala se O/13 en O/12 krieketseuns ‘n nuwe tradisie by die Impies begin.

 

Die twee groepe gaan elke jaar vir die Impie Ashes-beker speel. Ons het die idee gekry by Australië en Engeland wat jaarliks vir die Ashes-beker speel. Die “Ashes” bestaan uit die eerste paaltjie wat die twee spanne voor die 1ste wedstryd gebrand het. Elke speler het ‘n vuurhoutjie aan die brand gesteek en dit een vir een teen die paaltjie geplaas. (Daar gaan nie elke jaar ‘n paaltjie gebrand word nie.) Die as is in die wedstrydbeker geplaas en die spanne sal jaarliks vir daardie beker speel.

 

Besonderhede van die wedstryd:

Daar word twintig beurte gespeel. Die wedstryd word op Laerskool Impala se velde (onder die spreiligte) na afloop van die jaar se krieketseisoen gespeel.

Skoolwapen

Ons skoolwapen is hoofsaaklik deur een van ons vorige hoofde, Mnr G Hauptfleisch,ontwerp. Die heraldiese afronding is gedoen deur Mnr de Ridder van Mentor. Die basis is ‘n eenvoudige skildvorm wat in drie dele verdeel is. ‘n Afbeelding van die Impala vliegtuig kom in die onderste en belangrikste gedeelte voor. Hierdie vliegtuig is Suid-Afrika se eerste spuitaangedrewe vliegtuig. In die boonste linkerkant verskyn ‘n pilaar wat standvastigheid simboliseer. Regs daarvan verskyn ‘n boekrol met ‘n veer wat die opvoeding as primêre taak van die skool simboliseer.

SkoolLied

Waar bloue lug die vlak omspan en

sonneskyn ons streel.

Reik hoog Impala, hoër steeds.

Hier is ons skool ons trots en krag.

verwerf ons kennis hier.

om ons die toekoms in te dra.

Wees vinnig vlytig altyd deur,

Impala ons simbool.

 

Waar kosmos mooi ons velde tooi,

en mielielande groen...

Laerskool Impala

Skoollied

Waar bloue lug die vlak omspan en

sonneskyn ons streel.

Reik hoog Impala, hoër steeds.

Hier is ons skool ons trots en krag.

verwerf ons kennis hier.

om ons die toekoms in te dra.

Wees vinnig vlytig altyd deur,

Impala ons simbool.

 

Waar kosmos mooi ons velde tooi,

en mielielande groen,

ons aanspoor om van dag tot dag,

hier hard te leer ons bes te doen

in sport en spel en skool

onsself bekwaam en uit te troon

met vreugde en geluk tesaam

hou hoog ons skool se naam

 

Waar steen op steen deur mens gelê

ons dorp en land laat groei

word hier my lewensmuur gebou,

sterk fondament om uit te bloei

in huis en skool en land

met leiding deur Gods Hoër hand.

Ek stap met vas vertroue voort

die toekoms te begroet

Skoolure

Flink en Vlytig

Intermediëre en Senior fase

07:30 - 14:00

Maandae tot Donderdae

07:30 - 13:00

Vrydae

Grondslagfase

07:30 - 13:30

Maandae tot Donderdae

07:30 - 13:00

Vrydae

SKooldrag

Netjies vir elke dag

Dogters

Blou en Maroen skoolrok, Swart skoolskoene en blou kort skoolkouse en Maroen of blou linte in dogters se hare.

 

Seuns

Grys kortbroek, Geel kortmouhemp en  Swart skoolskoene en grys skoolkouse.

 

Dogters

Blou skoollangbroek, Geel langmouhemp, Skooldas, Swart skoolskoene en gryskouse, (of lang vlootblou "tights" - slegs by skoolrokke),  Maroen of blou linte in dogters se hare.

 

Seuns

Grys skoollangbroek, Geel langmouhemp, Skooldas, Swart skoolskoene en gryskouse, B2.

LOT-broek en CSV-hemp, wit kouse en netjiese skoon tekkies.

DIT WORD OP WOENSDAE GEDRA, WANNEER DAAR CSV IS.

 

CSV-hemp, blou denim (knie hoogte in die somer/ lang denim) - geskeerde denims word nie toegelaat nie. Netjiese skoon tekkies.

Graag wil ons asb vir u as ouer vra om te kyk na u kind se tas. Die wieletjie tasse en Cadi tasse is aanvaarbaar by Laerskool Impala vir die Gr 4-7 leerders. By die

 

Gr 1-3 leerders benodig nie daardie tasse nie, maar ons verkies die blou tas met afskortings, omdat hierdie leerders nie soveel boeke het nie.

 

En ons by Impieland verkies veral die regte sportsakke. 

Boundary Silk Bazaar, Albatrosweg en Silky Bazaar. 

School of Leisure, 148 Monument Rd, Aston Manor, Kempton Park, 1630

 

Let wel: `n Blou skooltrui, nuwe Impie Dry Mac of effekleurige skoolbaadjie mag op koue dae gedra word.

Leerlinge mag in die somer kaalvoet skool toe kom, behalwe op Maandae vir die saalopeninge.